السلام عليكم ورحمة الله وبركاته
بهالبوست مثل م إنتو شايفين من التايتل ( Spa day )
أسويه مره في الشهر بس لأني أسوي فيه تقشير قوي
غير إنه يساعدني في فتح مسام الجلد وإزالة الجلد الميت والشعر تحت الجلد
نبدأ ...
1- الخطوه الأولى أحط ماسك ع شعري أو زيت ع حسب م شعري يحتاج
الماسكات والزيوت إلي أسويهم ومرتاحه معاهم وأحبهم كتبت عنهم قبل كذا بتلقونه بهالرابط ....
http://nanoshbeauty.blogspot.com/2014/11/3-3masks-to-get-healthy-hair.html
أما الزيوت الجاهزه إلي حبيتها هي فاتيكا وجدايل والزيوت السبعه أحطها بس إذا م كان فيني خلق أقوم أسوي خلطات
أخلي الماسك ع شعري أقل شي ساعه وحده بس
2- بعد م تمر الساعه أغسل شعري من الماسك بس بالمويه و أجهز البانيو
أعبيه مويه دافيه مايله للحار لأني أبغى أفتح مسام جسمي عشان تساعدني بالتقشير
3- أحط رغوة وملح بالبانيو
إذا م كان عندك رغوه جاهزه ممكن تسوينها بالبيت بنفسك في فيديوهات كثيره تعلمك كيف باليوتيوب
وإذا حابين أسوي عنها DIY قولولي بالكومنت
وكمان إذا م كان عندك ملح البانيو تقدرين تستبدلينه بالملح الخشن العادي إلي نستعمله بالطبخ
4- أولع شموع ع أطراف البانيو
بجد يعطي إسترخاء ويهدئ الأعصاب
كثير حلو تسوينه بعد الأيام إلي تكونين فيها شاده أعصابك ومشغوله ومتوتره وكذا
5- حطي شامبوك المفضل بشعرك و ماسك ع وجهك صراحه م أقعد ع ماسك محدد
بس مؤخرا حابه الطين المغربي تلقونه عند العطارين
وحابه كمان ماسكات ذا بودي شوب
6- بعد ربع ساعه وانا لسى قاعده بالبانيو اشطف شعري من الشامبو
( أخلي الشامبو 15 دقيقه عشان تتشرب فروة راسي الفوائد إلي بالشامبو )
بس شعري بدون م أشطف ماسك الوجه لأني أبغى ماسك وجهي يقعد لنص ساعه
بتقولون كيف أشطف شعري بدون وجهي !
أنزل بس شعري في المويه إلي بالبانيو وأغسله يعني شعرك بينغسل بالمويه إلي بالبانيو
بعد كذا أحط بلسم وأخليه لربع ساعه ثانيه وبكذا تكون نص ساعه
وبهالربع ساعه أغسل جسمي بالشاور جل بعدها أقشر جسمي
7- أصرف المويه الي بالبانيو وأشطف جسمي من الماده المقشره والجلد الميت وكمان شعري من البلسم وبكذا تقدرين تنهين الشاور
8- هالخطوه إختياريه إذا كنتي تبغين تشيلين شعرك بالموس فيها أو لا
ليش أشيل الشعر آخر شي ؟
لأنه مع المويه الحاره والتقشير يمدي الشعر إلي تحت الجلد طلع فسهل إنك تشيلينه كامل
أما إذا تحبين الحلاوه فيمديك تسوينها بعد م تطلعين من الشاور وتنشفين جسمك
9- هنا أصعببب بارت وهو تسكير مسام الجسم كيف !
إفتحي المويه البااااارده ع جسمك وشعرك فجأه ليش !
غير إنها تسكر المسام إلا إنها تشد البشره وتمنع تصاقط الشعر وكمان تساعد في تنشيط عمليات الأيض بجسمك فهالخطوه صحيه جدا وممكن تتأكدون منها من موقع الدكتور أوز
10- بعد الشاور العميق هذا نجي لأهممممممم بارت وهو الترطيب بدون هالخطوه م يكتمل السبا داي
يعني كأنك تصبين مويه في كوب مثقوب
رطبي جسمك وبشرتك وكمان لاتنسين شعرك حطي فيه سيروم
وبكذا نكون خلصنا
أتمنى إنكم إستفدتوا ... أحس إن فيه بعض النقاط م شرحتها كويس
فإذا كان عندكم أي سؤال تفضلو أكتبوه تحت بالكومنت
GOOD LUCK
ليست هناك تعليقات:
إرسال تعليق