السلام عليكم ورحمة الله وبركاته
بوست اليوم تكملة لسلسلة الإستعداد للعيد ( التفاصيل ع الإنستجرام @nanosh_beauty )
وصلنا عند تنسيق ملابس العيد وكذا بحط لكم تجهيزات جمعتها من النت
وكمان تنسيقي أنا لملابسي حقت العيد بس رح أعرض ع الإنستقرام لأن م يبغالها شرح وكذا :)
نبدأ ...
هذا الموديل أشوف كثير بنات طايحين في هاللوك مثل م تشوفون مايل للكلاسيك
حلو معاة إكسسوارات شانيل أو مايكل كورس مثل مو مركب عليها في الصوره
أتوقع إنها تناسب الأجسام المتوسطه لأنه مرره بسيط ومخصر والمخصر بنظرتي م ينفع للبنات المليانات عشان م يبين أجسامهم المليانة ولا ينفع النحاف لأنه بيبين قد إيش مررره نحااف بينما المفروض يركزون ع شي يوزن لهم أجسامهم ويملاها شوي فالأجسام الوسط هي الأحسن لهالموديل وإذا قلت وسط أقصد الأوزان إلي بين 50 إلى 60 بس ترا ع حسب في بنات أوزانهم كبيرة بس م يبين عليهم هذا بسبب ثقل عظامهم فعادي ترا الأرقام مو مقياس ممكن تلبسية إذا إنتي عارفه قد إيش بيطلع عليك حلو
بس إذا مره نحيفه أو مليانه مره بليز بعدي عنه
( التنسيق من حساب @tansig_bero ع الإنستقرام )
هذا الموديل جمييييل جدا ومميز أتحدى تلبسية وم في أحد يسألك عنه أو يمدحه
بس للأسف م أشوف موديلات حلوه منه جاهزه لازم تفصلين أو تطلبين من الإنستقرام
يناسب جمييييع الأجسام
أطواله تختلف منه المكسي ومنه المدي
بالنسبة للي بتلبسينه معاه ليقينز أسود وبلوزه بيضاء ساااده م فيها موديل والهيلز يرجع لك في الإختيار
الإكسسوار راجع للموديل أذا كانت القطعة مليانه شغل إكسسوارك يفضل يكون بسسييييييط والعكس إذا كانت القطعة بسيطة إلبسي معاه ( ستيتمنس نيكلس ) السلاسل الكبيره المليانه شغل شوفوها في الصورة فوق
بالنسبة لهذا الموديل قطعتين تنوره وبلوزه أو بنطلون وبلوزة نفس القماش
م أدري صراحة إش إسم هالموديل صراحة بس موجود في كللللل مكان وبأشكال أحلى من الصورة
فيه الموديل الكلاسيك أو الكاجوال أو لوك النيويورك قيرلز مثل إلي في الصورة
بالنسبة للإكسسوار يرجع ع القطعه فما أقدر أساعد في هالشيء بس بأحاول أقرب لكم الفكره
مثلا إذا كانت قطعة البلوزة مسكره من الرقبة وأكمامها طويلة إكتفي بحلقان وخواتم
إذا كانت القطعه ع شكل جاكيت رسمي ممكن تلبسين ستيتمنس نيكلس
أتمنى عرفت أقرب لكم الزبدة إن الإكسسوار كلللله راجع للقطعه نفسها
ينفع للأجسام النحيفة بس
هذه التنانير لقيت منها أنواع وأشكال السادة والمشجر والقصير والمكسي وقد شقت منها ع شكل فساتين
تنفع بس للبنات النحيفات لأنه إذا لبسته بنت مليانة الزم إلي في التنورة بيكبر حجم جسمها أكثر
الإكسسوار إختاري أشياء نعوووومه لأن نفس الستايل جدا ناعم والتوب دايم يكون ساده سواء التنورة كانت مسجرة أو سادة
آخر شي رح أكتب عنه اليوم هو النوع هذا من الموديلات تجي الألوان فيها شطحه شوي وبدوووون إكسسوار ممكن إذا مره ساعة وحلق
وكل قطعه رح تكون ملونه وقطع الجلد لازم تكون داخلة في الموضوع مثل التنورة الحمراء إلي في الصورة
التطريز أو الرسمه لأزم يكون شي جدا غرييييب لأن الموضوع كله عن الشغل إلي بالبلوزه
أخيرا خلصت
فيه صور رح أعرضها ع الإنستقرام مع حساباتها عشان تستفيدو وتختاروا القطع إلي تحبونها
ليست هناك تعليقات:
إرسال تعليق