السلام عليكم ورحمة الله وبركاته
هالمرة رح أتكلم عن تسريحات من سلسلة الإستعداد للعيد
( السلسلة ع الإنستقرام في #BOOAK_WITH_NANOSH )
معروف التسريحتين الرئيسية ي تفيربن شعرك أو تخلينه إستريت وتفرقينه ي ع النص أو الجنب
فأكيد نبغى شي جديد للعيد وحلو مره ومرتب عشان كذا رح أعرض لكم تسريحات بإكسسواراتها وإنتي ع راحتك تبغي بإكسسوار شعر أو لا شي راجع لك
نبدأ ....
هنا مثل م تشوفون الشعر كللله مفير مدري ملفلف المهم وقسمت الشعر من النص ودخلت الباند بعدين نزلت أو فردت القسم إلي قسمته بس عشان تخفي الحبل المطاطي الي ورا أتمنى فهمتوا المهم بعدين لمت الشعر بطريقة مرتبة تحت شوفي الطريقة إلي تناسبك وسويها آخر شي نزلت غرتها وكم شعره معاها عشان تعطي المسي لوك
هنا م في شي مميز بس مثل م تشوفين الهيد باند كيف عطت لوك مميز لشعرها ممكن تفيرين شعرك مدري تلفلفينه أو تخلينه إستريت بالإستشوار أو السيراميك إلي يريحك بعدين حطي أي هيد باند نازله ع الجبهه ومن جد بيطلع شعرك متعوب علية
هنا سوت مسي بان عادييييه نسويها في الدوام كل يوم بس شوفوا الإكسسوار أحس طلع منظره جميييييل وحق مناسبات لمن أضافته
أعجبتني صراحة الهيد باند الورد إلي لابستها مجرد إنها لفلفت شعرها وحطت الباند تحت جزء من الشعر ورجعت الباقي بالبنس ورا طلع شكلة من جد جميل ينفع حتى للبنوتات الصغار هالحركة *.*
الضفاير للمناسبات مرررره م كنت أبلعها بس ألحين حسيت من جد إن هالتسريحة مظلومه خصوصا لمن فلم فروزن طلع أحس نبه الناس ورجعهم لهالتسريحة صح إنها ضفيره بس لها أنوااااااع منها هذه إلي في الصورة أحلى شي الورد من جد طلع شكله إنثوي بس لو كان الورد أصغر بيكون أفضل
هالحركة حلوة للي ملو من الشعور الطويلة أحيانا يجي في نفسهم يقصونه بس عشان لوك جديد وبعدين يندمون
هالحركة أفضل لهم وعن تجربة محد لاحظ إني مخبيه شعري بالعكس الكل يحسب إني بجد قصيت نتيجتي م كانت نفس إلي بالصورة كانت أحلى مررره و كانت أطول ب 5 سم تقريبا من إلي بالصورة وم حطيت إكسسوار ولا شي وم كان في غره فبجد حبييييييييت النتيجة إلي طلعت معاي
أما الصورة مو مقنعه بس حطيتها عشان م لقيت غيرها توصف لكم الطريقة
هنا حجم لفات الشعر أكبر والهيد باند جاية ع شكل ضفيرة فيها ورد عجبتني صراحة والصبغة كمان تجذب للتسريحة مره
بس بليييييز بنات لاتجيبين لون الهيد باند إلي شكلة كذا مثل الضفيرة غير لون شعرك بيطلع شكلك مره غلط فركزوا ع درجة اللون جدا مهمه هالنقطه
وبس ...
ليست هناك تعليقات:
إرسال تعليق