السلام عليكم ورحمة الله وبركاته
تدوينة اليوم طريقتي بالعناية بالبشره
1- أول خطوة هي غسول الوجه لازم يكون وجهك نضيف قبل تبدأين بأي شي أنا إستخدمت غسول نيتروجينا
2- نحتاج حمام بخار للوجه عشان نفتح مسام البشره
إذا م كان عندك جهاز البخار ممكن تسوين مثل مو بالصوره
جبت صحن مقعر مدري زبدية مدري إش تسموها المهم هذا الشي إلي بالصوره
حطيت فيه موية حاره وشاي أخضر ، ليش شاي أخضر ؟
الشاي الأخضر معروف بفوائده للوجه إنه يساعد بشكل كبير جدا بتخفيف حبوب الوجه والترطيب وتقليل المسام
ممكن تحطين بداله موية ورد أو ليمون وترا كل منهم لها فائده
وإذا كنتي م تبغين! لك كامل الحريه أهم شي المويه حاره
حطي وجهك تجاه بخار الماء وغطي ع راسك بمنشفه وخليك ع هالوضعيه 5 دقائق
إذا م فهمتي كيف الوضعيه روحي ع الإنستقرام حقي @nanosh_beauty بتلقيني منزله صوره
3- نجي للتقشير أنا إستخدمت مقشر سانت إيفز هو المقشر الي إلا ألحين م أحرق بشرتي
ممكن تستخدمين مقشر طبيعي :-
الطريقه الأولى ~ ليمون قصيه بالنص وغمسيه بسكر وأفركي فيه بشرتك ( يفتح ويقشر )
الطريقة الثانية ~ طماطم قصية بالنص وغمسيه بسكر وأفركي فيه بشرتك ( يرطب ويقشر )
4- الماسك ... إستعملت ماسك الطين المغربي ( تلقونه عند العطارين )
إستعملي أي ماسك إنتي مرتاحه له وحابته
5- نجي للمسام :-
تونر كلين آند كلير سكرت فيه مسام بشرتي
ثلج يسكر المسام ويشد البشره
موية ورد تعطيني نضاره وتشد البشره
وبس ... هذا كان كل شي لليوم
لا تنسون شاركوني الصور ع السناب nanosh_beauty
وع هاشتاق #تجارب_متابعات_نانوش ع الإنستقرام @nanosh_beauty
NB
ليست هناك تعليقات:
إرسال تعليق