السلام عليكم ورحمة الله وبركاته
شخباركم أش مسوين ؟؟
تدوينة اليوم هي روتيني في إزالة المكياج
إزالة المكياج أهم نقطة في الحياة كلها بالنسبة لي
لأن بشرتي حساسة وبسرعه تطنقر علي لو نمت بالمكياج تطلع لي خمسين حبه في ليلة وضحاها ويختل نظام إفراز الدهون بوجهي
المشكلة إني أعاني من مشكلة الآثار لو طلع لي حبة أتعب عشان تخف آثارها فعشان كذا أحرص بشدة إني أمسح المكياج وم أنام فيه
بنات تكفون إهتموا ببشراتكم لا تنامون بالمكياج ترا والله يتعب البشرة وترا يوضح إلي بشرتها تعبانه من مكياج وإلي لا
لو قعدتي فيه وم مسحتيه تطلع لك حبوب تحت الجلد ومسامك رح تتوسع وم رح يكون فيه نضاره بوجهك غير المسام السوداء إلي حتطلع لك وأشياء كثيرة مرعبة زي كذا
هالروتين بيناسب العجازات لأنه بسيط مره ياخذ 5 دقايق
بس ولو كنتي تحطين فاونديشن ومكياج ثقيل بياخذ زياده من وقتك
مو مشكلة كله يهون ولا إنك تخسري بشرتك
وكمان إلي بشرتها ساعات تطنقر مثلي وتتحسس رح تستفيد من هالبوست
أوك خل أقولكم ع شغله لمن تحسين إن بشرتك تعبانه أو متحسسه أو جافه إعتمدي ع الطبيعه في إزالة مكياجك
لأن لو إستخدمتي منتجات كيميائية رح تتعب بشرتك زياده
مثل م تشوفون حليب وزيت زيتون
الحليب أستخدمة عشان أشيل مكياج بشرتي
الحليب معروف فوائدة للبشرة يوحد اللون ويرطبها فتخيلي لو تستخدمينه يوميا في مسح مكياجك
من جد شي مريييح وبارد ع البشره بس أحطة في قطنه وأمسح فيه وجهي إلين أتأكد إنها نظفت تماما
الزيت زيتون أستخدمة لحواجبي ومكياج عيني وشفايفي
أحط منه كمية ممتازة على قطنة وأضغط فيه ع عيني لمدة 5 ثواني وبطريقة لطيفة وناعمه أسوي مساج دائري ع جوا ل 5 ثواني بعدين أرجع أضغط شوي شوي وأسحب القطنه ع تحت
بهالحركة رح تشيل مكياج العين الآيلاينر ع البرايمر والمسكره حتى لو كانت ضد الموية
من جد أحب أمسح مكياجي بالزيت والحليب أكثر من المواد الكيميائية أحس إني مو قاعده أعذب بشرتي أبدا
الروتين الثاني إلي نادرا أسوية هو إستخدام المنتجات الكيميائية م أحب أستخدم أشياء كثيرة ع بشرتي لأني أخاف تتحسس فأكتفي بمنتجين واحد للعين والثاني للبشره
مناديل إزالة المكياج من قارنيه
جربت جونسن وجربت نيفيا وقد سويت ريفيو لمناديل نيفيا شوفوه بالإنستقرام وغيرها كثير
صراحه مناديل قارنيه أفضل شي قد إستخدمته ضايفين فيها موسترايزر أو مرطب عشان كذا ناعم جدا ع البشره ومره مره رطب حتى أحياننا لمن أمسح مكياجي أقسم المناديل بالنص أستخدم واحد والنص الثاني أرجعه بالكيس م أحتاجه وأرمي المناديل وهو لسى رطب جدا جدا عجبني حلو للعجازين سريع مره في المسح
بالنسبة لمنتج نيفيا هذا للعين أستخدمه بنفس الطريقة حقت الزيت زيتون بس لاحظت وانا أستخدمه يوميا أحرقني وبسرعه يخلص أتوقع ماله أسبوعين عندي وخلص تماما م عجبني مره فيه نوع ثاني من هذا إلي يجي عبوته شفافه رح أجربه وإنشاءالله م يكون مثل هذا
العلبه الصغنونه هذا غسول من ذا بودي شوب العبوه التجريبيه من زمان عندي أحيانا أستخدمه لتنظيف فرش المكياج وأنظف فيه وجهي م شاءالله مو راضي يخلص مره عجبني إقتصادي جدا مدري إش حاطين فيه هذا إسمه الغسول إلي م يخلص عجبني مره تركيبته جل وينظف مزبووووط لو خلص برجع أشتري منه العبوه الكبيره
نجي ألحين لما بعد الغسول والتنضيف
من اليسار تونيك من فارمسي تونيك عادي م فيه ميزة بالنسبة لي أدور ع تونيك خالي من الكحول وفيه مادة السيسليك ولي ألحين م لقيت ومو مقتنعه صراحة أشتري تونك من الهاي إند براند فلو فيه أحد منكم يعرف وين ألقا تونيك خالي من الكحول تقولي بالله
البخاخ إلي بجنبة فيه موية ورد مركزه مو مخففه بمويه ولاشي كنت أشتري من العطار موية الورد إلي ببخاخ بس لمن عرفت إنها مخففه بمويه صرت أشتري قارورة موية ورد وأعبيها بهالعلبة وأستخدمها كذا مركزه فايدتها تشد البشرة وتحافظ ع شكل المسام يكون صغير ونضيف وتخفف من التصبغات والآثار لاحظوا قلت تخفف وكمان تعطيني نضاره لوجهي كذا جميله حاولوا كمان تخلطون من موية الورد مع الموية إلي تشربونها مره كويسة وصحية لأجسامنا
إلي بجنبها كريم أديرما تكلمت عنه قبل كذا بالبوستات إلي تحت
وإلي بجنبة آخر شي سيروم أولاي للعين رائع جدا بسوي عنه ريفيوا بالإنستقرام ومقارنه بينه وبين جل أولاي فإنتظروا هالبوست
أتمنى إستفدتوا شي جديد ولاتنسون حافظوا قد م تقدرون ع بشراتكم
هذا روتيني الخاص إذا عندك روتين جيد لبشرتك لا تفكينة
وبس ...
...NB
ليست هناك تعليقات:
إرسال تعليق