السلام عليكم ورحمة الله وبركاته
بوست اليوم من البوستات إلي كنت مره متحمسه لها
ومتحمسة إني أشارككم تجربتي معاها
بنات طلبوا مني ريفيو لمجموعة الشاي
بس أنا قلت خل أحكيكم عن تجربتي لبعض المنتجات من هالمجموعة أحسن من الريفيوز
مثل م تشوفون هذه هي إلي جربتها من المجموعه
( تونر + مرطب للمساء + رغوة للوجه + ماسك )
طبعا هالمجموعة أخذتها لسبب واحد هو أن تمر فترة بين الصيف والشتاء
تندمر فيها بشرتي تطلع فيها حبوب وتجف
طبعا بشرتي مررره دهنية بس في هالفترة تجف تتقشر بس إذا لمستها مو جافه دهنيه أتمنى فهمتوني
وهالسنة زاد الموضوع عن حده صارت كمان تطلع لي حبوب التوتر والضغط النفسي
تعرفون آخر سنة دراسة وتراكمي وقدرات وتحصيلي ( الله يوفقني ويوفقكم ي رب T.T )
المهم أنه أنا أتعقد لو تطلع في وجهي حبة وحده بس م أرتاح أبدددد إلين أشوفها تبدأ تروح من ثاني يوم
وأكرهه أحط ميكأب ثقيل عشان أخفيها أحب الناتشورال سكن
الزبدة هالمجموعة عشان أفضي ع الحبوب وخلصتها للنهاية عشان أخبركم مزبوط عنها
نبدأ حبه حبه ...
1) التونر :- أستخدمه مرتين في اليوم صراحه عااااااادي مو ذاك الزود يعني نفس تونر إسكينول إلي بالخيار بالضبط
أستخدمهم الإثنين عشان أشوف الفرق وأبد م فيه شي زيادة عن الإسكينول
2) رغوة الوجه : مدري بس حبيتها 3>
بجد يعني هذه أول مره أستخدم رغوة للوجه مدري كل الرغوات نفسها ولا بس عجبتني
م جففت بشرتي وتنظف مره مزبوط خفيفه مره ع الوجه ... المهم مره حبيتها الرغوه
وأتوقع إني برجع آخذها
3) مرطب المساء : عادي
هو مكتوب علية إني يساعد في تحسين تضررات البشرة يعني يخفف الإثار وكذا
وبس هذا إلي سواه خففها بشكل بسيط جدا ... ولاحظت إنه كمان خفف من المسام الواسعه بشكل خفيييف جدا
وإذا كانت الحبة ملتهبه مرررره يحرقها
5) آخر شي الماسك : حبييييييييييييييته
جميل جميل جميل جدا ولو خلص أكيييد برجع آخذه ... م قد جربت ماسك أفضل منه بحياتي
أسوية كل أسبوع ولاحظت فرق كبيييير بعده ع طول
أحطه ع وجهي وأسوي له مساج لمدة 5 دقايق
بعدين أرجع أحط طبقة ثانية منه وأركزها ع المناطق إلي فيها الحبوب والآثار
وأخليه أكثر من نص ساعة ع وجهي
هذه أفضل طريقة ممكن إنك تلاحظين الفرق فيها بسرعه
إش سوا معاي هالماسك !
الحبه إلي خلاص شوي وتروح يعني تكون بارزة من الجلد هذا الماسك ع طوووول يقضي عليها
خفف المسام الواسعه كثييييييير
سوا لي كنترول لإفراز الدهون
الحبوب الملتهبة يحرقها عشان يروح ألمها بسرعه وتطلع برا الجلد عشان مع المرات الجايه يزيلها بسهوله
وفالنهاية من ال4 منتجات أفضل وحده فيهم ( الماسك )
,هذا كان كل شي بالنسبة لتجربتي مع هالمجموعة
فيه منتجات ثانية من نفس المجموعه كنت ولازلت متحمسه أجربها وإن شاءالله أرجع آخذها
وبس ...
...NB
ليست هناك تعليقات:
إرسال تعليق