السلام عليكم ورحمة الله وبركاته
أعتذر إني تأخرت ع هالبوست المفروض إنه يكون من يوم الخميس نازل ع المدونه والمفروض يكون فديو أنا أسوية شخصيا
بس م تحمل معاي ورفع ضغطي مره
فقلت ليش م أوريكم الفديو إلي أنا إتعلمت منه بعدين أنزله بطريقة صور مع شرح مفصل خطوة بخطوة مع نقاط توضيحية ومشاكل عانيت منها عشان تتفادوها
أوك يلا نبدأ ...
أولا هذا الفديو الكامل
ثانيا هذه الصور مع الشرح
1. خذي مقاسات الدرج
رح تاخئين 3 مقاسات الأول مقاس الطول والعرض والطول الداخلي للدرج شوفوه في الصورة الثانية للتوضيح
النقطه إلي حابة إني أوضحها هي مثلا إذا كان الطول الداخلي 9 سم قصرية مثلا 1سم ليش عشان الفلين إلي بتحطينه كبيس أو كقاعدة للدرج أنا عن نفسي أستبعدت فكرة القاعدة حسيت مالها داعي فما قصرت حاجة
النقطة الثانية هي التقسيمات الداخلية للدرج قصريها 3 سم تقريبا
أنا الطول الداخلي لدرجي 9سم قصرت التقسيمات الداخليه خليتها 7سم ليش عشان تكون يدي قريبه من المنتجات م أعاني صعوبه إذا دخلت يدي بين التقسيمات الصغيره
أرسمي مقاساتك إلي أخذتيها بالضبط ع فلين رح تحتاجين لوحين فلين أما إذا بتسوين بس إطار الدرج والتقسيمات الداخلية بدون قاعدة الدرج بتحتاجين بس لوح واحد
ألحين راجعي القطع حقتك معاي
كذا يكون رسمتي قياساتك وخلصتي
بيكون عندك مقاسين نفس بعض للجهه الأمامية والخلفية
وقطعتين نفس القياس للجهه اليمين واليسار
والقاعدة والقطع الداخلية أو التقسيمات الداخليه أنا احتجت 10 قطع
نجي للتقصيص مدري التقطيع
رح تحتاجين شي يحمي الأرض ممكن ورق كرتون
أنا استخدمت لوح تقطيع الخضار
وبنات ركزو ع النقطه هذه تحتاجون مشرط حااااااد عشان يجي شغلكم نظيف
أنا تورطت في هئه المسأله فشغلي جا شوي تعبان
خطوات تغليف القطع بالترتيب من فوق لتحت
أول شي تقصين بالعرض عشان تخلصن بسرعه
تحطين قطعتك من البداية تطوينها طوية وحده بس تحددين بالمرسام عشان تقصين
ومن ناحية لصق القماش بالفلين نفس خطوه واحد وثنين
أنا م غلفتها بقماش غلفتها بتجليد شامواه حسيته أسهل وأسرع
المشكلة الوحيدة هي لازم تكونين متمرسه ع التجليد يعني عندك خبرة تجليد كتب هههههههههههههـ
ليش !! عشان م تطلع لك فقاعات مع التجليد
خطوات لصق القماش بالفلين خطوة بخطوه
الشي إلي مستخدم بالصورة غراء بس ع شكل بخاخ
م أتوقع أنه موجود بالسعودية لأني م قد سمعت أحد يستخدمه ودورته ولا لقيته
فيه بعضهم يحسب أنه الورنيش بس الورنيش مو غراء الورنيش مادة نهائية ترشيها ع العمل الفني أو التحفه عشان يعطي لمعه للعمل وفنش نهائي حلو وإذا كان فيه قلتر في العمل يلصقهم كلهم مع بعض ويدمجهم عشان فيه نسبة غراء بسيييييييييطه مره
إنتي ممكن تستخدمين غراء مسدس وبنفس الطريقة إلي سوتها بالبخاخ
أهم نقطه لا تحطين الغراء ع القماش حطيه ع الفلين بعدين لصقي القماش فوقه
إذا فيه قماش زايد من الأطراف قصية
يلا هنا نجمع القطع مع بعض القاعده والأطراف
أكيد ملاحظين إنها أضافت قماش مزخرف ع الأطراف ممكن تسووها بس أنا حسيت مالها داعي إرجعوا للفديو عشان تشوفون كيف خطواتها سهله مره
المهم بعد م تجمعين قطعك جيبي أداة البدكير الخشبية ودخلي القماش الزايد من الزوايا ع جوا عشان يترتب زياده
بعدين رصي تقسيماتك الداخليه بس دخليها هي حتثبت من نفسها بدون غراء ولا شي
بعد م تحطين تقسيماتك كلها رح يبقى زايد مثلا أنا سويت 10 قطع حطيت في النص 6 قطع يبقى 4 قطع
إقسميها بالنص عشان تصغر وتقسمين بالعرض زيادة
المشكلة إنها م رح تثبت مثل التقسيمات الكبيرة لازم تغرينها بالغراء المسدس عشان تثبت أكثر
هذه هي طريقة تلصيق القطع الصغيره خطوه بخطوة
تراااا خلصنا
هذا هو الشكل النهائي
إتذكري إنتي المصممه صممي وعدلي ع كيفك حطي القطع كيف ووين تبغينها إنتي وبحسب إحتياجك ومساحة درجك
أتمنى إستفدتوا وأتمنى إنكم فهمتوا على شرحي ....
وإذا سويتوها أرسلوا لي نتائجكم ع الدايركت في الإنستقرام .
