العناية بالبشره ....

السلام عليكم ورحمة الله وبركاته

تدوينة اليوم طريقتي بالعناية بالبشره

1- أول خطوة هي غسول الوجه لازم يكون وجهك نضيف قبل تبدأين بأي شي أنا إستخدمت غسول نيتروجينا

2- نحتاج حمام بخار للوجه عشان نفتح مسام البشره 

إذا م كان عندك جهاز البخار ممكن تسوين مثل مو بالصوره

جبت صحن مقعر مدري زبدية مدري إش تسموها المهم هذا الشي إلي بالصوره 

حطيت فيه موية حاره وشاي أخضر ، ليش شاي أخضر ؟ 

الشاي الأخضر معروف بفوائده للوجه إنه يساعد بشكل كبير جدا بتخفيف حبوب الوجه والترطيب وتقليل المسام

ممكن تحطين بداله موية ورد أو ليمون وترا كل منهم لها فائده 

وإذا كنتي م تبغين! لك كامل الحريه أهم شي المويه حاره

حطي وجهك تجاه بخار الماء وغطي ع راسك بمنشفه وخليك ع هالوضعيه 5 دقائق

إذا م فهمتي كيف الوضعيه روحي ع الإنستقرام حقي @nanosh_beauty بتلقيني منزله صوره 

3- نجي للتقشير أنا إستخدمت مقشر سانت إيفز هو المقشر الي إلا ألحين م أحرق بشرتي 

ممكن تستخدمين مقشر طبيعي :-

الطريقه الأولى ~ ليمون قصيه بالنص وغمسيه بسكر وأفركي فيه بشرتك ( يفتح ويقشر )

الطريقة الثانية ~ طماطم قصية بالنص وغمسيه بسكر وأفركي فيه بشرتك ( يرطب ويقشر )

4- الماسك ... إستعملت ماسك الطين المغربي ( تلقونه عند العطارين )

إستعملي أي ماسك إنتي مرتاحه له وحابته

5- نجي للمسام :- 

تونر كلين آند كلير سكرت فيه مسام بشرتي

ثلج يسكر المسام ويشد البشره 

موية ورد تعطيني نضاره وتشد البشره

وبس ... هذا كان كل شي لليوم

لا تنسون شاركوني الصور ع السناب nanosh_beauty

وع هاشتاق #تجارب_متابعات_نانوش ع الإنستقرام @nanosh_beauty

NB

جدول العناية في شهر رمضان ~

السلام عليكم ورحمة الله وبركاته

بوست اليوم هو جدول العنايه بشهر رمضان

أول مره أسوي معاكم شي مثل كذا دايما أسويه لوحدي

بس شفت إنو كثير منكم يحب مثل هالأشياء فتحمست أسويها

صراحة كان من المفروض أمس أنزل هالبوست بس إنشغلت كثير وإن شاءالله م يأثر ع الجدول إلي بنسويه

~{ بس أول أول أول شي م أبغى هالجدول يكون سبيل في تقصيركم بصلاتكم أو قرائتكم للقرآن وتقربكم من ربكم }~

أوك خل أشرح لكم الجداول الجداول متشابهه من بعضها م عدى الأسبوع الأخير فيه إختلاف بسيط 

الجدول م فيه خلطات جسم لأني م أعرف لها ولا قد جربت أسويها 

كمان دمجت العنايه الأسبوعيه والعناية إلي قبل العيد بالجدول 

وبتلاحظون أن فيه أيام م رح يكون فيها عناية

عشان إلي تحب الخلطات أو إلي نفسها تضيف شي تحب تسويه في روتينها دايما تقدر تضيفه  

مثلا : تقشير للشفايف أو ماسك لتحت العيون أو .... إلخ 

كل إلي مكتوب بالجدول أشياء أسويها من زمان وعارفه نتايجها كيف كويسه

م عدى ماسك الإسبرين شفت فيديو ل هدى بيوتي وميشيل فان يمدحون في ماسك الأسبرين وكيف إنهم م يستغنون عنه وأنا أثق بهالثنتين مررره فقلت خل أجرب أسويه

إذا كنتي خايفه منه لا تجربينه أنا صراحه بشرتي حساسه بس إن شاءالله م يأثر فيني D: 

تقريبا كل يوم رح يكون فيه بوست بعد صلاة العصر أو المغرب بإذن الله لأني م قد وريتكم الخطوات الدقيقه من الجدول

عنايتكم اليوميه م رح ترتبط بالجدول :

عنايتي الصباح : 

مقشر وجه + غسول وجه + موية ورد + مرطب وجه + سيروم لتحت العين + ليب بالم للشفايف + لوشن للجسم

عنايتي قبل النوم :

غسول + تونر + مرطب وجه + كريم لتحت العين + ليب بالم للشفايف + كريم لليدين والأقدام + لوشن للجسم

أنا كتبت لكم الأساسيات وإنتو إختاروا المنتجات إلي تفضلونها وتناسبكم

نجي للجداول ......

وبس 

لا تنسون ترسلون لي صور ع السناب أو ع الإنستقرام ع هاشتاق  #عنايتي_أناومتابعاتي_برمضان

3> 3> 3>

Spa Day...

السلام عليكم ورحمة الله وبركاته

بهالبوست مثل م إنتو شايفين من التايتل ( Spa day )

أسويه مره في الشهر بس لأني أسوي فيه تقشير قوي

غير إنه يساعدني في فتح مسام الجلد وإزالة الجلد الميت والشعر تحت الجلد

نبدأ ...

1- الخطوه الأولى أحط ماسك ع شعري أو زيت ع حسب م شعري يحتاج

الماسكات والزيوت إلي أسويهم ومرتاحه معاهم وأحبهم كتبت عنهم قبل كذا بتلقونه بهالرابط ....

http://nanoshbeauty.blogspot.com/2014/11/3-3masks-to-get-healthy-hair.html

أما الزيوت الجاهزه إلي حبيتها هي فاتيكا وجدايل والزيوت السبعه أحطها بس إذا م كان فيني خلق أقوم أسوي خلطات

أخلي الماسك ع شعري أقل شي ساعه وحده بس

2- بعد م تمر الساعه أغسل شعري من الماسك بس بالمويه و أجهز البانيو

أعبيه مويه دافيه مايله للحار لأني أبغى أفتح مسام جسمي عشان تساعدني بالتقشير

3- أحط رغوة وملح بالبانيو

إذا م كان عندك رغوه جاهزه ممكن تسوينها بالبيت بنفسك في فيديوهات كثيره تعلمك كيف باليوتيوب

وإذا حابين أسوي عنها DIY قولولي بالكومنت 

وكمان إذا م كان عندك ملح البانيو تقدرين تستبدلينه بالملح الخشن العادي إلي نستعمله بالطبخ

4- أولع شموع ع أطراف البانيو

بجد يعطي إسترخاء ويهدئ الأعصاب 

كثير حلو تسوينه بعد الأيام إلي تكونين فيها شاده أعصابك ومشغوله ومتوتره وكذا 

5- حطي شامبوك المفضل بشعرك و ماسك ع وجهك صراحه م أقعد ع ماسك محدد

بس مؤخرا حابه الطين المغربي تلقونه عند العطارين 

وحابه كمان ماسكات ذا بودي شوب 

6- بعد ربع ساعه وانا لسى قاعده بالبانيو اشطف شعري من الشامبو

( أخلي الشامبو 15 دقيقه عشان تتشرب فروة راسي الفوائد إلي بالشامبو )

بس شعري بدون م أشطف ماسك الوجه لأني أبغى ماسك وجهي يقعد لنص ساعه

 بتقولون كيف أشطف شعري بدون وجهي !

أنزل بس شعري في المويه إلي بالبانيو وأغسله يعني شعرك بينغسل بالمويه إلي بالبانيو

بعد كذا أحط بلسم وأخليه لربع ساعه ثانيه وبكذا تكون نص ساعه

وبهالربع ساعه أغسل جسمي بالشاور جل بعدها أقشر جسمي 

7- أصرف المويه الي بالبانيو وأشطف جسمي من الماده المقشره والجلد الميت وكمان شعري من البلسم وبكذا تقدرين تنهين الشاور 

8- هالخطوه إختياريه إذا كنتي تبغين تشيلين شعرك بالموس فيها أو لا

ليش أشيل الشعر آخر شي ؟

لأنه مع المويه الحاره والتقشير يمدي الشعر إلي تحت الجلد طلع فسهل إنك تشيلينه كامل 

أما إذا تحبين الحلاوه فيمديك تسوينها بعد م تطلعين من الشاور وتنشفين جسمك

9- هنا أصعببب بارت وهو تسكير مسام الجسم كيف !

إفتحي المويه البااااارده ع جسمك وشعرك فجأه ليش !

غير إنها تسكر المسام إلا إنها تشد البشره وتمنع تصاقط الشعر وكمان تساعد في تنشيط عمليات الأيض بجسمك فهالخطوه صحيه جدا وممكن تتأكدون منها من موقع الدكتور أوز

10- بعد الشاور العميق هذا نجي لأهممممممم بارت وهو الترطيب بدون هالخطوه م يكتمل السبا داي 

يعني كأنك تصبين مويه في كوب مثقوب 

رطبي جسمك وبشرتك وكمان لاتنسين شعرك حطي فيه سيروم 

وبكذا نكون خلصنا

أتمنى إنكم إستفدتوا ... أحس إن فيه بعض النقاط م شرحتها كويس

فإذا كان عندكم أي سؤال تفضلو أكتبوه تحت بالكومنت

GOOD LUCK  

Products I've Finished #2 ... منتجات خلصتها!! #2

السلام عليكم ورحمة الله وبركاته

تدوينة اليوم رأيي عن منتجات خلصتها إذا حبيتها أو لا وإذا رح أرجع أشتريها أو لا !!

البوست إلي قبل هذا كان نفس فكرة هالبوست بس بمنتجات تجميلية او مكياج 

هالمره جبت لكم منتجات عناية بالبشرة والشعر والجسم 

منتجات الشعر ....

1- أول منتج بأتكلم عنه هو شامبو سانسليك حق تساقط الشعر 

صراحه أنا مره مو فاهمه هالمنتج ألحين هو حق تصاقط الشهر صح ؟؟ 

أستخدمته يمكن شهر واحد وجابلي قشره بشعري فزاد تساقط الشعر أكثر من قبل 

عشان كذا مررره م حبيته لأن القشرة تعبتني ولسى م راحت من شعري كليا من جد حقدت ع شركتهم لأن أنا أساسا م عندي مشاكل بشعري غير إنه خفيف بس الحمدالله فيه فوليوم مغطيه ع هالمشكله ونادرا يتساقط ولمن إستخدمت هذا صار بشعري قشرة وتساقط ... أبكي ولا أبكي ؟؟

2- ثاني منتج هو فاشكول من كريم كاب - سيروم يحمي الشعر من التقصف  

حبيته.... أحطه بشعري ناشف أو مبلول نقطه منه بس تكفي يعطيني لمعه بعد ما أستشوره 

ورح أشتريه مره ثانية بإذن الله

منتجات البشره .....

1- غسول كلين آند كلير مورنينق إينرجي مدعم بفايتمين c والجينسينغ

هذا غسول للبشره الدهنيه خالي من الزيوت فيه حبوب تقشير ناعمه جدا 

شفت ريفيوهات لبنات يقولون إنه يعطيهم إحساس فريش وكذا بس مدري أنا م حسيت

هو حلو م فيه شي سيء بس كمان عادي م فيه شيئ مميز

وم أتوقع إني برجع أشتريه لأن م أحب أقعد ع نفس الغسول لفترة طويله

2- تونيك فارمسي للبشرة العاديه إلى المختلطه

أحب هالتونيك لأانه ينظف كويس بدون م يحسس بجلدي مره 

إلا إذا كان عندي حبوب ملتهبه ع وجهي م أمرره فوقها لأنها بيحرقني مره 

مو متأكده إذا برجع أشتريه أو لا لأنه في تونرز ثانيه بودي أجربها

3- جل ديفرين من قالديرما 

أتوقع كلكم عارفين إني م كنت أحبه بس من يوم م طلعت حبوب بكل بشرتي قررت أرجع اشتريه وأطول مدة إستخدامه

وبعد 3 شهور الحمدالله الحمدالله خفت الحبوب والآثار الخفيفه راحت بنسبة 70% وم زلت مستمره عليه إلين أرضى بالنتيجه وبعدين ببدأ أعالج الآثار الكبيره 

4- رابع منتج هو محلول للعدسات أنا ألبس عدسات طبيه فأهتم جدا بنوعية المحلول وع قد م جربت أكثر واحد أعجبني هو محلول biomedics all-in-one  من جد أحس لمن ألبس العدسات بسرعه تلصق ع عيني وم تحرقني أبدا وهالشي يجهله كثير ناس يحسبون إن المشاكل بالعدسات وبس وإتجاهلوا نوعية المحلول

إن شاء الله رح أرجع أشتريه أكيد 

5- مرطب الشفايف من EOS هذا الحب الكبير شفايفي ولاشي بدونه من جد بطلللل

إخذته من أمزون ب35 ريال يعني بنفس السعر عند التاجرات واكيييد رح أرجع أشتريه 

آخر شي هي منتجات العناية بالجسم ....

1- زبدة الشيا من ذا بودي شوب إلي يعرفني يعرف قد إيش بشرتي تجف كذا فجإه مع إنها دهنيه خصوصا في الشتاء

فهالزبده صراحه أنقذتني أخذت منها 2 وكلها خلصت ورح أرجع أشتريها إن شاء الله سعرها 75 

هالزبده مره مره بطله ترطب مزبووووط بدون م تحسين إنك تلصقين أو تدبقين مثل الفازلين وكذا 

ريحتها كمان حلوه وخفيفه مره 

2- ثاني منتج هو شاور جل مع جل للحلاقه يعني 2 في 1 من برجوا

حق الناس العجازة المستعجله 

صراحه إشتريته عشان لونه وردي وكيوت أخذته من كارفور

ريحته جدددددا سيئه وم أحسه ينظف جسمي مزبوط

وبالنسبه إنه يستعمل كجل حلاقه بعد مو مره كويس لأن لمن أخلص وأشيل جسمي أحس بخشونه وكذا 

المهم م عجبني وم رح أرجع أشتريه 

3- جل جونسن 

أتوقع إنه غني عن التعريف 

أحب أرطب جسمي فيه بعد الشاور والمسام مفتوحه يقعد جسمي مترطب ع مدى يومين أو يوم ونص 

إنشاء الله رح أرجع أشتريه 

4- رابع منتج وإخر منتج هو كريم اليد إسمه هاوايي من باث آند بودي ووركس

مو مره يرطب وريحته عطريه مره

في البدايه أعجبني بعدين في الشتاء لمن تحسس جلدي م صرت أقدر أستعمله لأنه عطري وبيحرقني

وم رح أرجع أشتريه

وبس هذا كان كل شي لبوست اليوم

أتمنى إنك إستفدتوا 

إذا عندكم أي أسئله لكم كامله الحريه حطوها تحت بالتعليقات ورح أرد عليكم أكيد إن شاءالله 

NB

My Empties Beauty Products I Have Finished : منتجات تجميليه خلصتها

السلام عليكم وَ رحمة الله وَ بركاته 3>

بوست اليوم هو رأيي عن منتجات قد خلصتها ، حبيتها أو كرهتها 

مميزاتها وعيوبها ، وإذا رح أرجع أشتريها أو لا

جبت لكم 10 منتجات

منتجين للوجه و4 للعين و 2 للحواجب و2 للشفيف

نبدأ ب الوجه :

1. كونسيلر فيت مي من ميبلين 

هذا الكونسيلر الأفضل من الدروق ستور ، تغطيتها جدا جميله تقريبا متوسط م يتأكسد ولا يخطط

ثباته 4 ساعات وهالشيي حلو بالنسبة لكونسيلر من الدروقستور ، كويس للإستعمال اليومي م يتعب العين أبدا 

م تحسين إنه ثقيل ع وجهك أبدا ، سعره كمان رائع بالنسبة للفتره الي يقعد معاي فيها 6 شهور هذا وأنا أستخدمه كثييير

أكيد برجع أشترية بإذن الله 3> 3> 3>

2- بيبي كريم من قارنيه نوع البشره الدهنيه

تغطيته متوسطه 4 ساعات يقعد بالراحه بعدين يبدأ يخف جدا خفيف ع البشره م تحسين إن يظايق أو شي مثل كذا 

مشكلته الوحيده إنه بعد هال 4 ساعات يتكتل ع منطقة التي زون يعني لازم تعدلين مكياجك تمسحين التكتل وترجعين بالبودره وكذا

جدا جدا جدا إقتصادي تخيلوا إنه قاعد معاي سنتين كامله وم خلص مع إني أستخدمه يوميا بس إنتبهوا لتاريخ الصلاحيه لأنه رح يطلع حبوب ويحسس بجلدكم لو إستخدمتوه بعد إنتهاء صلاحيته 

أنا م إنتبهت للصلاحيه وقب وجهي حبوب T.T

م رح أرجع اشتريه لأني مليت مو لأنه سيئ بس خلاص أبغى أجرب أشياء ثانيه 

-------------------------------------------------------

العين 

1. كحل إن ذا نود من ريميل 

تكلمت عنه بالانستقرام @nanosh_beauty

م حبيته مو ثابت لازم أمرره ع رموشي وأخرجه شوي من الزوايا عشان يثبت وبسعره مره خلص

مدري م حبيته صراحه وم رح أرجع أشتريه أكيد

2. لكود لاينر من إيلف 

حبييييييييته فرشته نحيفه وسهله جدا بالرسم وتعطيك خط نحيف وصخيف من النهايه ورسمه نضيف جدا  

مشكلته سواده مو مره

م أدري إذا رح أرجع أشتريه أولا لأنه صعب أوفره ثانيا ودي أجرب أنواع ثانيه 

3. مسكرة فوليوم قلمور من برجوا

هذه الحب والعشق ، أنا بدونها أضيع ، حرفيا هذه العلبه رقم 10 إلي خلصت 

تكلمت عنها كثيييير بالإنستقرام فمرح أتكلم عنها هنا روحوا حسابي بتلقون سويت عنها ريفيو ومقارنه وكذا 

أكييييييييييييييييييييييييييييد برجع أشتريها إن شاءالله

4. مسكرة ذا كولو سال فوليوم إكسبيريس من ميبلين ( إن شاءالله يكون إسمها مثل م قلت )

تكثر وتطول بشكل طبيعي جدا جدا جدا ناعمه وخفيفه ع الرموش سوادها عادي

م رح أرجع أشتريها لأن حسيت جدا عاديه م فيها غير إنها طبيعيه بس 

إلي يحبون البساطه في المكياج بتناسبهم أو إلي رموشهم طوال وكثار وسوداء رح تناسبهم كمان

-------------------------------------------------------

نجي للحواجب 

1. مسكرة حواجب من صبايا لونها بني

م تثبت وملمسا مو كويس أبدا ع الحواجب وم تستاهل ولا فلس فيها م حبيتها أبدا أبدا 

وم رح أرجع أشتريها 

2. مسكرة حواجب شفافه من إيسنس

بططططللله سعرها رخيص 10 ريال بس وتثبت بقوه لفتره طويله مشكلتها بس إنها أول م تحطينها ع حواجبك تقعد شويه سايله كأنها مويه بعدين تجف وتثبت بقوه وهالشي بالنسبه لي عادي

إذا حواجبك كثار وتتناثر بتحبينها مره

ورح أرجع  أشتريها إن شاءالله

 -------------------------------------------------------

نجي لمنتجات الشفاه رح أتكلم عنها هنا وبنزل لكم سواتشات ع الإنستقرام لها في حسابي  @nanosh_beauty

1. روج من ريفلون من مجموعة سوبر لستروس ليب ستيك إسم اللون بلشنق موف blushing mauve رقمه 460 

المجموعه منها 9 ألوان وأكثر يعني طبي وإختاري 

ميزتها إنها فيها ترطيب وألوانها جميله جدا والشيء السيء إنها مو مره ثابته 

نجي لوصف اللون إلي عندي هو لونه بني ع موف تقريبا نفس حق كايلي جينر وفيه كمان قلتر موف بس م يبين أبدا لمن تحطينه

مناسب جدا للإستعمال اليومي وهالروج من الأرواج إلي بشنطتي دايما 

أنا صراحه م أفكر أرجع أشتريه أفكر أشتري المجموعه الكامله إلي منها 9 أرواج بعلبه يبيعون المجموعه بس بالخطوط الجويه ومن المواقع أون لاين 

2. روج من ميبلين رقمه 140 إسمه إنتنس بينك intense pink 

لونه بينكي فاتح لونه ناعم جدا يناسب ذوات البشرة الفاتحه أكثر

جدا يرطب الشفايف يعني إلي شفايفها تتقطع بإستمرار رح يعجبها مره مشكلته موب ثابت 

وهذا كمان من الارواج إلي م تنزل من شنطتي بعد 

ألوان المجموعه كامله بطله وأفكر أشتري المجموعه الكامله

بس الله يعين رح أفلس رسمي لأنه لازم أشتريها حبه حبه مو مثل أرواج ريفلون 

وهذا هو بوست اليوم أتمنى فادكم وكذا

أشوفكم ببوستات ثانيه 3> 3> 3>

مشترياتي لشهر يناير 2015 .... January Haul

السلام عليكم ورحمة الله وبركاته

شخباركم إش مسوين ؟؟

وحده قالت لي ليش م أسوي بوست عن مشترياتي لكل شهر

كنت أسويها بس حسيت م لها داعي وبما إنكم رجعتوا تطلبونها م عندي مانع أبدا إني أشاركم غنايمي الشهريه

السلسالين كلها من H&M

أخذت مينيرال باودر من NYX

مسكرة تويست أب ذا فوليوم من برجوا 

ليب لاينر من ريميل درجة 071 CHERRY KISS

قلمين كحل كلها من برجوا الأسود بدرجة 55 ULTRA BLACK GLLTTER .... والبني بدرجة 57 UP AND BROWN

وأيلاينر من H&M

FIT me anti-shine stick أخذته للكونتور درجة coconut moka 355

روج إديشن فلفت من برجوا درجة 08 GRAND CRU

منكير من H&M درجة الزمرد الفاخر

تحت الفرشتين وحده فلات إنقل برش والثانية الصغيره مدري إش إسمها كلها من H&M

وكمان علبة أدوات البدكير من H&M

وبس .....

مفضلاتي شهر يناير 2015 ... January 2015 Favorites

السلام عليكم ورحمة الله وبركاته

شخباركم حبايبي ؟

بوست اليوم مفضلاتي لهالشهر شهر يناير ....

نبدأ بمفضلاتي من المكياج

mascara twist up the volume - BOURJOIS

هذه مسكرة من برجوا م توقعت صراحه إني بغير وبشتري مسكرة ثانيه غير الفوليوم قلمور من برجوا

بس ما لقيتها ونصحتي البائعه إني آخذ هالمسكره ترددت بس أخذتها قلت خلاص لازم أغير وأجرب أشياء جديده

ومن جد برجوا عندي من أفضل أفضل المسكرات إلي قد جربتها شريت من عندهم 4 مسكرات وكل وحده أحلى من الثانيه

وهذه كانت أفضل وحده

هالمسكرة لها فرشتين شفتوا الغطاء الأبيض إلي براسها هذا تلفينه تطلع لك الفرشه إلي تكثر وتلفينه مره ثانية تطلع الفرشه إلي تطول

ميزتها إنه ممكن تستخدمينه للمناسبات إذا إستخدمتي الفرشتين مع بعض تطلع لك رموش من تحت الأرض كأنك مركبة رموش صناعية

وللصباح إستخدمي فرشه وحده وتعطيك لوك طبيعي وحلو ومرتب

مشكلتها الوحيده إنه لمن تسوين لها طبقات بالفرشتين يعني وقت المناسبات ممكن تتحول رموشك كأنها رجول عنكبوت تصير من فوق سميكه لازم تعرفين تستخدمينها مزبوووط

ولاحظت كمان إنها تلطخ كثير يبغالها طولت بال وإنتي تحطينها عشان م تخرب مكياجك وإنتي تحطينها

أعطيها 9ونص /10

سعرها بالسبعين بس أنا أخذتها بالتخفيض 63 ريال

::::::::::::::

Touche illuminatrice illuminating touch - BOURJOIS

الدرجه 96 Rose urnversel ي رب تكون الدرجه صح لأنها بالعلبه مو مره واضحه لي فمعليش مره آسفه لو غلط

هذه إضاءة لمتد أدشن من برجوا يعني كانت فترة أو كمية محدوده وخلصت مدري إذا رجعوا نزلوها أو لا بس أنا م لقيتها

لونها خوخي طبيعي وفيها قلتر وااضح 

مره حلوه للسمر للبيض مو مره رح تعجبكم عن نفسي عجبتني بس يمكن م تعجبكم إنتوا

بالبداية م كانت عاجبتني م كانت تبان أبدا أبدا بس عرفت من وحده من البلوقر إنو برجوا عندهم شي غلط بالتخزين مو مفتكرة إيش كان بس لمن تحكين الطبقه الأولى من البلشر أو الإضاءة تمشي معاك وتطلع ع كيف كيفك

حلوه لو بتحطينها في المناسبات الهادية جمعة مع صحباتك أو أهلك بس مو مره حقت زواجات وكذا

بما إني مو مرة مع الإضاءات أكتفي فيها حتى بالمناسبات الكبيره

سعرها م أدري والله لأنها جايتني هديه

::::::::::::

Eyebrow kit - elf

 درجتي لايت

هذا واكس الحواجب من إلف ومعاه بودرة للتثبيت

هالواكس بطللللل مرررره طبيعي وثابت جدا

من جد حبيته ولو خلص أصلا م بتوقع أتركة يخلص بجيب واحد ثاني قبل لا يخلص هذا

سعره أتوقع أتوقع 53 زهايمر والله مدري إشفيني

::::::::::::

Cream Eyeliner - elf

من جد جميل هالكريمي آي لاينر

سهل الإستخدام بشكل لدرجه صايرة أستخدمه يوميا في الصباح

وحتى لو غلطتي وبتمسحينه مره سهل ولا يخبص لك الدنيا

ثباته عادي صراحه

بس يستاهل كل فلس إنحط فيه إذا تبغين شي ثابت مره وأسود مررررره هذا م رح يفيدك

:::::::::::

آخر شي منكير من H&M

درجه الشوكولاته الداكنه

ينشف بسرعه وسهل الاستعمال م يخليك تعكين وتجيبين العيد

بس يبغاله طبقتين عشان يجي برفكت

مفضلاتي من السكن كير

مناديل مزيل المكياج من قارنيه 

مره رطبه وفيها نسبة كريم 

جدا كويسه للي بشراتهم حساسه إتكلمت عنها قبل كذا ببوستات طافت إنزلوا تحت وشوفوا التفاصيل

:::::::::::::::::::

سيروم العين من أولاي

م شاءالله نتائجه بسرعه تطلع وم يحتاج تحطينه في محيط مظلم مثل أكثر كريمات العين

لو عندي مناسبة أحط هذا في ليلة المناسبة عشان أصحى من النوم تخف الهالات وتترطب

ويزبط معاها الكركتر والكونسيلر لمن أجي أحط المكياج

مفضلاتي من الإكسسوارات

ستيتمنت نيكلس من H&M

سعره 59 أتوقع

أغلب الملابس الشتويه تكون خاليه من التطريز والتكلف

هالستيمنت أحب أضيفه للبسه عشان يعطيها لوك أفخم

:::::::::::::

حلق ورد ذهبي من ألبارو

ألبسه كل كل يوم م فكيته صارلي شهر عشان أخافه يضيع من كثر م أحبه

هذه صورته من قريب

وبس هذا كان كل شي لليوم 

GOOD LLUCK