3 ماسكات للحصول على شعر صحي .... 3MASKS TO GET HEALTHY HAIR

السلام عليكم ورحمة الله وبركاته

مؤخرا إنطلب مني كثير لماسكات شعر فقلت خل أحطها في تدوينه عشان الكل يستفيد منها 

أنا لمن كنت صغيره كان شعري كثيييير لدرجة إن الربطات تتقطع إذا جيت أربط شعري وم تلف اللفه الثانية إلا بالقوه

وكل مأكبر يتساقط شعري إلين صار حبتين وحتى إلي أقولهم إنه كان كثير م يصدقون

طبعا رحت لدكتور قالي إنو أصلا م عندك مسام كثيره عشان يطلع منها شعر 

وعطاني علاج كثر شعري بس أول م تركت العلاج رجع يتساقط وخف مثل أول 

وطبعا كبرت وأبغا أزبط شعري بالسيراميك والفير والإسبريه وخف شعري أكثر وأكثر 

من جد تعقدت لدرجة هالسنه م أحط شي حار في شعري ألا إذا فيه مناسبه بسسس وصرت أستخدم أشياء طبيعية تساعدني 

ع قد م جربت م عجبني إلا 3 بس وهي إلي رح أقولكم عنها 

والحمدالله الحمدالله تغير شعري كثير

3 ماسكات إثنين منهم داومت عليهم وفادوني كثير والثالثه من كثر م يبغالها طولت بال وصبر وأنا إنسانه عجااازه تركتها بس من جد نتايجها تجنن كلها الثلاثه

نبدأ ...

1) بيض + ملعقة كبيرة زيت زيتون + ملعقة كبيره عسل 

فائدة هالماسك يقوي الشعر يطوله ويكثره ويعطيه لوك الـ Big Sexy Hair

مشكلته الوحيده هي الزيت زيتون يجفف الشعر وأحسه يسحب اللمعه إلي في الشعر رح أقولكم بعد شوي كيف أتصرف مع هالمشكلة 

2) حلبة مطحونه وزيت ذرة ( زيت عافية ) مو مهم المقادير بالضبط بس أهم شي يكون زيت الذره أكثر من الحلبة وحطيها في قزازة وخليها في الشمس 10 أيام كل يوم خضي القزازة ورجعيها في الشمس 

ليش !!

لأننا نبغى الحلبة تتخمر في زيت الذرة ونستفيد من الحلبة بدون لا تطلع ريحتها 

يلا نرجع للماسك الأول وكيف أتصرف مع مشكلة زيت الزيتون

أبدل ملعقة الزيت زيتون بزيت الذره إلي خمرت فيه الحلبة بس بدال م آخذ ملعقة آخذ ملعقنتين

وأراعي لمن آخذ الزيت من القزازة أخلي الحلبة تترسب تحت وآخذ من الزيت إلي فوق بس

عشان قد م أقدر أنو أبتعد من الحلبة المركزه وريحتها 

كذا جمعهنا الماسك الأول والثاني وصار ( بيض + ملعقة عسل + الماسك الثاني )

اللهههههه يعينكم ع الريحه لمصلحتكم إلبسوا كمامات

بس النتايج جمييييييله شعري صار فيه لمعه قوية من زيت الذرة وكثر يعني صار فيه بيبي هير من الحلبة  تقوى شعري من العسل وم تساقط من صفار البيض وطال بسرعه من بياض البيض

يعني كل مكون من هالماسكين إلي خلطناهم له فايده كبيره مره هالماسك يبغاله مدااااومه يعني بعد 3 شهور الشعر بيتغير بنسبة 90% أما الـ10 % الباقيه لسا م وصلت لها 

نجي للآداة إلي بتحطون فيها الماسك هذه هي ...

تلقونها تطلع مع الصبغه حقت الشعر 

أو ممكن بدالها علب الخردل والكاتشب من المحلات إلي يبيعون فيها أدوات المطبخ

فايدة هالآداة إنها توصل الماسك لجذور جذور الشعر وباقي الماسك أمرره ع باقي الشعر

3) الماسك الثالث تجيبون شريحة صبار  تقطعونه من النص تحشون فيه حلبة وتحطونها في خيشة وتحطونها في الشمس وكل ساعتين ترشون عليها مويه عشان تنبت الحلبة في الصبار وإذا جيتوا تستخدمونها تاخذون قطعه تفركونها في جذور الشعر والباقي تخلونه في الخيشة في الشمس 

أخيرا لمن أحط الماسك أجيب النايلون حق الأكل وأغطي فيه شعري عشان مع الكتم المسام تنفتح وبسرعه تتشرب الماسك 

جربت الكابات البلاستيكية م عجبتني حسيتها إستهبال عشان كذا فضلت النايلون أكثر 

وبسسس ..

DIY: Bracelets Holder

السلام عليكم ورحمة الله وبركاته

في هالبوست بوريكم كيف تسوون حامل أو ستاند لأساوركم

جدااا سهل وأغراضه موجوده في كل بيت

م ياخذ من وقتك إلا نص ساعه

نبدأ ...

تحتاجون

مشرط - مرسام ( قلم رصاص ) - مسطره - مقص - غراء مسدس - شي تستخدمينه كقاعده ممكن ألواح خشب أو فلين أنا إستخدمت كرتون دائري صراحه مدري حق إيش بس لقيته في المطبخ - تحتاجون 3 رولات كرتون تلقونها في رولات القصدير أو النايلون الشفاف أو أكياس اللحم خذو 2 مقاساتهم متشابهه وواحد أصغر منهم - وآخر شي تجليد أو بخاخ عشان تلونون أو تغلفون فيه الكراتين

جيبي وحده من الرولات الطويله وقصيها قطعه أطول من الثانيه يعني مثلا قطعه مقاسها 17 سم الثانيه مقاسها 13

زي كذا بتصير

حطي القطعه الطويلة إلي قصيتيها مع الرول الطويل الثاني إلي م قصيناه (كيف الوصف بالله )

وحطي القطعه الصغيره مع الرول الصغير

جيب الرولين إلي م قصيناهم وأرسمي دائره بالضبط في النص وقصيها بالمشرط

ودخلي فيها الرول إلي قصيناه 

زي كذا 

وبنفس الطريقة تسويين الرول الثاني

بعد م خلصنا تيجيوقت التجليد 

أسهل لو بتبخينه ببخاخ بس أنا أبغى أغلفه بتجليد شامواه عشان يتماشى مع الغرفه 

لو جلدتيه مثلي رح تتغطى الحفره إلي سويناها

كل إلي بتسويينه خذي مقص وقصي شكل X مثل إلي بالصوره

وكذا خلصنا باقي آخر شي 

جيبي غراء المسدس ولصقي الرولات ع القاعده خلي الطويل ورا والقصيره قدام

زي كذا 

خلصنا 

إذا سويتوه لا تنسون تصورون وترسلونه لي عالدايركت أو الإيميل الإيميل موجدود بالبايو حق صفحة الإنستقرام

من جد أستانس وأنا أشوف الأشياء إلي أشارككم فيها تطبقونها 

وبس .

أتمنى لكم يوم حلو 

( بكره دوام )

إسئلي نانوش: حب الشباب، المسام الواسعة، البشرة الدهنيه وغيرها .... Ask Nanosh: Acne Scars, large Pores, Oily Skin & more

السلام عليكم ورحمة الله وبركاته

أتمنى كلكم تكونون بصحة وعافية

في هالبوست رح أجاوب عن أسئلة كثيرة تجيني عن العناية بالبشره

رح أتكلم عن البشرة الدهنية والتجارب الي مريت فيها من ناحية الحبوب و المسام الواسعه وغيرها

نبدأ ...

.

.

.

.

1) كيف أقلل من المسام الواسعه ؟

أول شي إذا كان عندك مسام من يوم م إنخلقتي مثلي

أنا آسفة بس مستحيل تروح

بس فيه أشياء ثانية تخليها أكبر من شكلها إلي المفروض تكون عليه

إنتي ممكن تتجازفينها عشان م تتوسع مسامك أكثر أو م تبان

مثل :

لما يكون الجلد الميت والدهن متراكم ع المسام بيسكرها ويعبيها أوساخ لحد ما تتوسع زياده

يعني بدال م يكون مسام وجهك كذا o بتصير كذا O

كيف تقدرين تتخطين هالمشكلة

 م عليك إلا إنك تقشرين جلدك كل أسبوع بمقشر كيميائي بس إنتبهي لازم تروحين لطبيب يصرف لك النوع المناسب لك لأن المقشرات الكيميائية جدا قويه وتحرق إذا كانت بشرتك حساسة

أنا عن نفسي م قد جربتها بس خالاتي وبنات خالاتي شفتهم يستخدمونها النتيجة جدا رااائعه بس مره تحرقهم

وكمان إستخدمي التونر الي يكون فيه شويه من نسبة حمض السالسيسليك هالحمض رح يخفف المادة إلي تخلي الجلد الميت يلصق ببعضه ويعبي المسام

إستخدميه كل ليلة ورح تشوفين الفرق قريب 

هذا رح يفيد بشرتك لفترة طويل

وأفضل ماسك ممكن تستخدمينه هو ماسك الطين 

ماسك الطين صديق البشرة الدهنيه والمسام الواسعه بالذات

.

.

.

.

2) كيف أمنع بشرتي من أنها تدهن ؟

فيه أسباب كثيييره ممكن إنها تخلي بشرتك تدهن ممكن وراثه أو توتر أو دايت أو حياتك اليومية 

الدهون الزايدة هي السبب الرئيسي لظهور حب الشباب 

وغير كذا كمان فهو يحافظ على شكلك شباب يعني لو لاحظتو إن ذوات البشرة الدهنيه م تطلع لهم تجاعيد بسرعه مثل باقي أنواع البشرات

كل إلي ممكن تسوينه هو التحكم بإفراز الزيوت ببشرتك إحرصي إنك تنظفين وجهك بالتونر مرتين يوميا أو 3 بالكثير 

إذا زدتي في التنظيف القوي بالتونر بتجف البشره ف رح تزيد إفراز الدهون عشان تمنع الجفاف وهذا بيسبب إنسداد المسام وظهور حب الشباب

ومع التنظيف القوي والتونر القوي كمان رح تجف بشرتك من جوا وتبدأ تفرز دهون من برا 

وهذا إلي أنا أعاني منه حاليا وقلت لكم في الإنستقرام عن معاناتي 

إلي توصلت له هو مرتين باليوم بالتونر وترطيب خفييف للبشره عشان بس أوزن إفراز الدهون ببشرتي

فيه ناس م يرطبون بشرتهم عشانها دهنيه ويتوقعون إنهم إذا رطبوها رح تدهن زيادة وزيادة 

لا لا جدددداااا غلط 

البشرة الدهنيه ترا تجف من الداخل مهما أفرزت زيوت من الخارج لااااازم الترطيب عشان زي م قلت توزنون إفراز الزيوت 

ممكن إنكم تستخدمون مرطب ناعم أو مائي وهذا الي يناسب البشرة الدهنية إبتعدوا عن الكريمي بزيادة 

وكمان ركزوا ع الدايت إذا كنتوا متبعين نظام محدد ركزوا ع شرب الموية والخضراوات لأنها مليئة بالسوائل المفيدة في ترطيب الجسم والبشرة بالذات 

.

.

.

.

3) كيف أخفي آثار حب الشباب ؟

أوك بالنسبة للآثار مو معقولة إنك تعالجي الآثار وإنتي لسا م عالجتي الحبوب

أولا عالجي حبوب بشرتك وتحكم في إفراز الدهون وكمان نفسيتك وحياتك اليومية و أكلك عشان م تطلع دائما

وبعدين إبدأي بالآثار

قشري وجهك مره أو مرتين في الأسبوع بمقشر قوي عشان يهدم الأنسجة التالفه إلي هي الآثار

وتجنبي المأكولات إلي فيها كثير من الملح والصوديوم وصلصة الصويا

وإشربي موية كثييييييير عشان تتجدد الخلايا وتعوض الخلايا التالفة إلي بوجهك وهي الآثار

خل التفاح مفيد في تقليل الآثار

والزبادي رائع في تغيير لون الآثار وتفتيحها إلين م تختفي

أما إذا كانت الآثار مررررره لاصقة بالجلد يعني هي والجلد واحد م رح يفيد إلا زيارة العيادات وتبدأين بعمليات الليزر والتقشير الكيميائي

.

.

.

.

4) ( البنزويل بيروكسايد & حمض الصفصاف )

أي مادة أفضل لعلاج حب الشباب ؟

هذه المعلومة عرفتها وأنا قاعدة أبحث عن علاجات لحب الشباب 

وترا ولا وحده فيهم عرضت بشرتي لها 

بس بما إنها مو خطيرة قلت خل أفيدكم وأقولكم عنها كمان 

هالمادتين من إلي عرفته عنهم إنها من أفضل المادتين إلي تطلع بنتائج حلوه

بس البشرات تختلف والنتائج تختلف ممكن إلي يناسبها حمض الصفصاف م يناسبها البنزويل بيروكسايد والعكس

البنزويل بيروكسايد كويس في قتل البكتريا المسببه لحب الشباب وممكن تكون هالمادة جافه ع الجلد

حمض الصفصاف شي ناعم ع البشرة وطبيعي كل إلي يسويه إنه ينظف تنظيف عميق للمسام ومو قوي ع البشرة مثل البنزويل بيروكسايد ممكن إنه يجف ببعض البشرات في النهاية بس مو نفس الجفاف إلي يسويه البنزويل بيروكسايد

الشي إلي لازم تنتبهين له هو حمض الصفصاف ممكن يخلي البشره حساسة عشان كذا رح تحتاجين الـSPF كل يوم

.

.

.

.

5) مأكولات مفيدة للبشرة ؟

1- الطماطم ممكن تقولون عنه سان كريم أو واقي شمس قابل للأكل

2- السمك يقوي جهاز المناعه ويعطيك توهج وقوه للجلد والشعر والأظافر 

3- الشاي الأخضر والنعناع يساعد في علاج البشرة الدهنية وحب الشباب الهرموني

4- التوت خصوصا الأزرق جدا مفيد لأن فيه مواد مضادة للأكسدة

5- الفرولة لتبييض الأسنان

.

.

.

.

6) هل المكياج مضر للبشرة ؟

أوك ألحين بتكلم عن أكثر شي قاهرني

خصوصا أقاربي وصحباتي إلي ينصحوني في هالشي

ي عالم المكياج مضر إذا إنتي م إستخدمتيه كويس \

1- إستخدمي فاونديشن بـ SPF بس إذا كنتي مطره

2- لا تنامين بالمكياج لأنه ممكن يعبي مساماتك وتتشربه البشرة وتعالي شوفي الحبوب إلي بتطلع لك

حبوب تحت الجلد وتألم وحمراء ومنتفخه 

أكثر وقت ممكن تحس فيه البشرة بسعادة إذا كانت تتنفس ونظيفه مره خصوصا وقت النوم

3- لا تستخدمين فاونديشن دايما ممكن تستخدمينه مره أو مرتين بالأسبوع وقت خرجاتك وزياراتك بس بالدوام مع الحر مرررره لا هذا هو الدمار بحد ذاته ممكن تحطين بي بي كريم بتغطيه قويه أو متوسطه بس فاونديشن لا

4- إستخدمي أدوات نظيفة وإنتي تحطين مكياجك أقصد الفرش أو الإسفنجات أو يدك

 كله يرجع لكم ولراحتكم بس إذا كنتي تبغين صحة بشرتك خليها تتنفس وأعطيها مجال قللي مكياجك وخليك دايم ع الخفيف كونسيلر وبودره أو بيبي كريم وبس ...

 

أتمنى إني قدرت أجاوب ع أكثر وإهم الأسئلة 

ووو أعذروني إن طولت عليكم